అక్షర దర్బార్​, ప్రధాన ప్రతినిధి : అంతర్జాతీయ మెసేజింగ్ యాప్ వాట్సాప్‌కు పోటీగా వచ్చిన స్వదేశీ యాప్ 'అరట్టై' (Arattai) పేరు ప్రస్తుతం దేశ అత్యున్నత న్యాయస్థానం సుప్రీంకోర్టులోనూ వినిపించింది. తన వాట్సాప్ ఖాతాను నిలిపివేశారని, దాన్ని పునరుద్ధరించాలని కోరుతూ దాఖలైన ఓ పిటిషన్‌పై విచారణ సందర్భంగా ధర్మాసనం చేసిన వ్యాఖ్యలు జాతీయ స్థాయిలో చర్చనీయాంశమయ్యాయి.

అసలేం జరిగింది?

తన వాట్సాప్ ఖాతాను సంస్థ ఉన్నపళంగా బ్లాక్ చేసిందని, దీనిని పునరుద్ధరించేలా ఆదేశాలు ఇవ్వాలని కోరుతూ ఓ వ్యక్తి సుప్రీంకోర్టును ఆశ్రయించారు. సుదీర్ఘ కాలంగా తాను ఈ యాప్‌ ద్వారానే క్లయింట్‌లతో సంప్రదింపులు జరుపుతున్నానని పిటిషనర్ కోర్టుకు తెలిపారు.

దీనిపై స్పందించిన ధర్మాసనం (జస్టిస్ విక్రమ్ నాథ్, జస్టిస్ సందీప్ మెహతా), పిటిషనర్‌ను ప్రశ్నిస్తూ ఆసక్తికర వ్యాఖ్యలు చేసింది.

ధర్మాసనం వ్యాఖ్యలు:

"వాట్సాప్‌ను వినియోగించుకోవడం అనేది మీ ప్రాథమిక హక్కు ఎలా అవుతుంది?"

"మీరు సమాచారం పంపడానికి, కమ్యూనికేట్ చేయడానికి ఇతర అప్లికేషన్‌లను ఉపయోగించవచ్చు కదా!"

"వాట్సాప్‌ లేకపోతే ఏమైంది? ఇటీవల కొత్తగా వచ్చిన స్వదేశీ యాప్ 'అరట్టై'ని వాడండి. మేక్ ఇన్ ఇండియా (Made in India)!" అంటూ ధర్మాసనం వ్యాఖ్యానించింది.

అయితే, ఈ పిటిషన్‌పై ఉత్తర్వులు ఇవ్వడానికి నిరాకరించిన కోర్టు, పిటిషనర్‌ను తన వ్యాజ్యాన్ని ఉపసంహరించుకోవడానికి అనుమతించింది.

'అరట్టై' అనేది దేశీయ సంస్థ జోహో కార్పొరేషన్ రూపొందించిన మెసేజింగ్ యాప్. ఇటీవల కేంద్ర మంత్రులు సహా పలువురు ప్రముఖులు ఈ యాప్‌ను ప్రమోట్ చేయడంతో దీనికి విపరీతమైన ఆదరణ లభించింది. తమిళంలో 'అరట్టై' అంటే 'సాదాసీదా సంభాషణ' అని అర్థం. స్వదేశీ యాప్‌లకు మద్దతు ఇవ్వాలనే 'ఆత్మనిర్భర్ భారత్' పిలుపు నేపథ్యంలో సుప్రీంకోర్టు చేసిన ఈ వ్యాఖ్యలు ప్రాధాన్యతను సంతరించుకున్నాయి.

• అన్ని రంగాల్లోనూ వేళ్లూనుకొని ఉంది..
  * తెలంగాణ‌లో కుల గ‌ణ‌న దేశానికే ఆద‌ర్శం
  * నిజం బ‌య‌ట‌కు రావొద్ద‌నే వాళ్లే అడ్డుకుంటున్నారు
  * ఏఐసీసీ అగ్ర‌నేత రాహుల్‌గాంధీ ..
  * హైద‌రాబాద్‌లో మేధావులు, ప్రజా సంఘాల నాయకులు, కుల సంఘాలతో స‌మావేశం
•  
• అక్ష‌ర‌ద‌ర్బార్, హైద‌రాబాద్‌:  దేశంలో కుల వివ‌క్ష బ‌లంగా ఉంద‌ని, రాజ‌కీయ‌, న్యాయ వ్య‌వ‌స్థ‌లోనూ పాతుకుపోయింద‌ని ఏఐసీసీ (aicc) అగ్ర‌నేత రాహుల్‌గాంధీ (rahul gandhi) అన్నారు. అగ్ర‌కులాల‌కు ఎప్పుడూ కుల వివ‌క్ష క‌న‌ప‌డ‌ద‌ని, దేశం స‌మ‌గ్రంగా అభివృద్ధి చెందాలంటే కుల వివ‌క్ష రూపుమాపాల‌ని రాహుల్ అన్నారు. తెలంగాణ‌లో రేప‌టి నుంచి ప్రారంభంకానున్న కుల గ‌ణ‌న దేశానికే ఆద‌ర్శ‌మ‌ని అన్నారు. ఈ సంద‌ర్బంగా రాష్ట్ర ప్ర‌భుత్వాన్ని ఆయ‌న అభినందించారు. కుల గ‌ణ‌న ద్వారా ఎవ‌రికీ న‌ష్టం క‌ల‌గ‌కుండా చూడొచ్చ‌ని, అంద‌రికీ స‌మ‌న్యాయం జ‌రుగుతుంద‌ని అన్నారు. నిజం బ‌య‌ట‌కు రావొద్ద‌నే వాళ్లే కుల గ‌ణ‌న‌ను అడ్డుకుంటున్నార‌ని రాహుల్ విమ‌ర్శించారు. 
• కుల గ‌ణ‌న‌పై అభిప్రాయ సేక‌ర‌ణ‌
•  
• ఏఐసీసీ అగ్రనేత రాహుల్‌గాంధీ మంగళవారం సాయంత్రం హైదరాబాద్ (hyderabad) చేరుకున్నారు. రాష్ట్ర ప్రభుత్వం చేపడుతున్న కులగణనకు సంబంధించి మేధావులు, పౌరహక్కుల, ప్రజాసంఘాల నాయకులు, కుల సంఘాలతో బోయిన్‌ పల్లిలోని గాంధీ ఐడియాలజీ సెంటర్‌లో నిర్వ‌హించిన సదస్సుకు హాజ‌ర‌య్యారు. మహారాష్ట్ర, ఝార్ఖండ్‌ ఎన్నికల ప్రచారంలో తలమునకలుగా ఉన్న రాహుల్‌.. అంత బిజీ షెడ్యూల్‌లోనూ కులగణన కార్యక్రమానికి సమయం కేటాయించారు. మంగళవారం సాయంత్రం 4.45 గంటలకు ప్రత్యేక విమానంలో బేగంపేట విమానాశ్రయానికి చేరుకున్న రాహుల్‌.. అక్కడి నుంచి రోడ్డుమార్గంలో బోయిన్‌పల్లిలోని గాంధీ నాలెడ్జ్‌ సెంటర్‌కు వెళ్లారు. టీ పీసీసీ అధ్యక్షుడు మహేశ్‌కుమార్‌గౌడ్‌ అధ్యక్షతన సాయంత్రం 5.30 నుంచి 6.30 గంటల వరకు సదస్సులో పాల్గొని నేతలతో చర్చించారు. కులగణనపై వారి అభిప్రాయాలు తీసుకున్నారు.

* జనవరి 1 నుంచి 20వ తేదీ వరకు ఆన్‌లైన్‌లో పరీక్ష 

* మాట నిలుపుకున్న కాంగ్రెస్ ప్ర‌భుత్వం 

* అధికారంలోకి వ‌చ్చిన ఏడాదిలోపే రెండోసారి ..

అక్ష‌ర‌ద‌ర్బార్‌, హైద‌రాబాద్‌: తెలంగాణలో టెట్ (టీచ‌ర్ ఎలిజ‌బులిటీ టెస్ట్‌) నోటిఫికేషన్‌ విడుదలైంది. ఈనెల 5 నుంచి 20వ తేదీ వరకు అభ్య‌ర్థులు దరఖాస్తు చేసుకోవ‌చ్చ‌ని పాఠశాల విద్యాశాఖ తెలిపింది. వచ్చే ఏడాది జనవరి 1 నుంచి 20వ తేదీ వరకు ఆన్‌లైన్‌లో పరీక్ష నిర్వహించనున్నారు. ఏటా రెండుసార్లు టెట్‌ నిర్వహిస్తామని ప్రభుత్వం గతంలో తెలిపింది. అందులో భాగంగానే ఈ ఏడాది మే 20 నుంచి జూన్ 2వ తేదీ వరకు ఆన్‌లైన్‌ పరీక్షలు నిర్వహించిన విష‌యం తెలిసిందే. ఇప్పటికే ఫలితాలు కూడా విడుదల అయ్యాయి. ఇక రెండో టెట్‌కు నవంబర్‌లో నోటిఫికేషన్‌ జారీ చేస్తామని గతంలో ప్రభుత్వం వెల్లడించింది. ఈక్రమంలోనే ఈరోజు నోటిఫికేషన్ విడుద‌ల‌ చేసింది. టెట్ పేప‌ర్‌-1కు డీఈడీ పూర్తి చేసిన వారు అర్హులు కాగా... టెట్ పేప‌ర్‌-2కు బీఈడీ పూర్తి చేసిన వారు అర్హులు. ఇక టెట్ ప్ర‌వేశ‌పెట్టిన‌ప్ప‌టి నుంచి ఇప్ప‌టివ‌ర‌కు తొమ్మిది సార్లు ప‌రీక్ష‌లు జ‌ర‌గ‌గా.. జ‌న‌వ‌రిలో ప‌దోసారి జ‌ర‌గ‌నుంది. కాంగ్రెస్ ప్ర‌భుత్వం అధికారంలోకి వ‌చ్చిన ఏడాదిలోపే రెండోసారి టెట్‌ను నిర్వ‌హిస్తుండ‌టం గ‌మ‌నార్హం.

* తగ్గేదేలే అంటున్న ఏఎమ్మార్​, ట్రాన్స్​ పోర్ట్​ అసోసియేషన్

* ఓవర్​ లోడ్​ తో రూ.లక్షల్లో సంపాదన ఇక్కడందరికీ షరా మామూళ్లే ​ 

* ప్రశ్నించే వ్యవస్థనే ఏలుతున్న ఏఎమ్మార్​, ట్రాన్స్​ పోర్టు అసోసియేషన్​ 

* ఇబ్బందులు పడుతున్న సామాన్య జనం 

అక్షర దర్బార్​, కాటారం

తాడిచర్ల ఓపెన్​ కాస్ట్​ నుండి ఏండ్ల తరబడిగా బొగ్గు లారీలు ఓవర్​ లోడ్​తో వెళ్తున్నా అధికారుల కండ్లకు కనబడట్లేదు. ఓవర్​ లోడ్​, ఓవర్​ స్పీడ్​ తో బొగ్గు లారీలు భీభత్సం సృష్టిస్తున్నప్పటికీ ఏఎమ్మార్​ కంపెనీ,ట్రాన్స్​ పోర్టు కాంట్రాక్టర్ల పలుకుబడి ముందు అదంతా దిగ దుడుపే అవుతుంది. దీంతో జయశంకర్​ భూపాలపల్లి జిల్లా మల్హర్​ మండలం తాడిచర్ల గ్రామం నుండి భూపాలపల్లి వరకు గల ప్రధాన రహదారి వెంట ప్రయాణిస్తున్న ప్రయాణికులు ప్రజలు తీవ్ర ఇబ్బందులు ఎదుర్కొంటున్నారు. ప్రజలు బాధపడితే మాకేంటి అనుకుంటున్నారో ఏమో గాని ప్రశ్నాంచాల్సిన వ్యవస్థ ఏఎమ్మార్​ కంపెనీ, ట్రాన్స్​ పోర్టు కాంట్రాక్టర్ల  ముందు మోకరిల్లుతూ జీహుజూర్​ అంటోంది. దీంతో ఏఎమ్మార్​, ట్రాన్స్​ పోర్టు కంట్రాక్టర్లు అడ్డగోలు అఘాయిత్యాలకు పాల్పడుతుండగా ప్రశ్నించే వ్యవస్థ స్వాగతం పలుతుకుండం గమనార్హం. బొగ్గు లారీల దాష్టీకానికి ఎన్నో ప్రాణాలు గాల్లో కలుస్తున్నా అధికార యంత్రాంగం మూగబోతున్న తీరు కలవరానికి గురిచేస్తుంది. ఇదేంటని ఎవరైనా అమాయకులు ప్రశ్నిస్తే వారిపై అన్యాయమైన కేసులు బనాయిస్తూ జైలుకు పంపిస్తున్నట్లు సమాచారం. గతంలో మావోయిస్టులకు కంచుకోట గా ఉన్న ఇలాఖాలోనే పారిశ్రామిక పెత్తందార్లు సృష్టిస్తున్న ఆగడాలను అరికట్టేవారే లేకపోవడంతో జనాలు మూగరోధనకు గురవుతున్నారు...

ఓవర్​ లోడ్​ తో లక్షల్లో సంపాదన

తాడిచర్ల ఓపెన్​ కాస్ట్​ నుండి బొగ్గుని తీసి జెన్కో కు తరలించడానికి ఏఎమ్మార్​ అనే సంస్థ కాంట్రాక్టు కుదుర్చుకుంది. ఆ బొగ్గును వెలికితీసీ లారీల ద్వారా తరలించేందుకు గానూ ట్రాన్స్​ పోర్ట్​ అసోసియేషన్​ ల కాంట్రాక్టర్లతో ఏఎమ్మార్​ ఒప్పందం కుదుర్చుకుంది. ఈ క్రమంలో బొగ్గుకి టన్నుకు రూ.265 చొప్పున ఏఎమ్మార్​ కంపెనీ చెల్లిస్తుండగా పాసింగ్ ప్రకారం 14 టైర్ల లారీకి 32,16 టైర్ల లారీకి 35 టన్నుల బొగ్గు పోవాల్సింది ఉంటుంది. ఇలా వెళితే మనకేం లాభముంటుందని అసోసియేషన్​  కాంట్రాక్టర్లు ఏకంగా ఓవర్​ లోడ్ దందాను ఎంచుకున్నారు. ఇలా ఒక్కో లారీలో 10 టన్నులు అదనంగా వేసుకుని వెళుతుండగా​ మాజీ ఎమ్మెల్యే కు బంధువైన ఓ కాంట్రాక్టర్​ కు ఏకంగా 30 లారీలు ఉండడంతో రోజుకి రెండు ట్రిప్పులకు కలిపి రూ.1.50 లక్షలు సంపాదిస్తున్నట్లు తెలుస్తోంది. ఇలా ఓపెన్​ కాస్ట్​ నుండి ఓ ట్రాన్స్​ పోర్టు కాంట్రాక్టర్​ వి 30 లారీలు,మరో కాంట్రాక్టర్​ వి 20 లారీలు, ఇతరత్రా అన్నీ కలుపుకుని కాంట్రాక్టర్లకు సంబంధించి సుమారు 150 లారీలు నడస్తుండగా రోజుకు లక్షల్లో సంపాదిస్తూ జేబులు నింపుకుంటున్న తీరు ఔరా అనిపిస్తుంది.ఈ కాంట్రాక్టర్లంతా భూపాలపల్లి జిల్లా కేంద్రానికి చెందిన అసోసియేషన్​ కాంట్రాక్టర్లు కావడం వారికి ధన, రాజకీయ బలం అండదండలు మెండుగా ఉండడంతో అడ్డొచ్చే ఏ వ్యవస్థను ఈజీగా మెయింటేన్​ చేస్తూ ముందుకుసాగుతున్నారు. ఈ నేపథ్యంలో అడ్డగోలుగా ఓవర్​ లోడ్​ వెళుతుండగా పట్టించుకోవాల్సిన అధికారులు మామూళ్ల మత్తు నుండి తేరుకోలేకపోతున్నారు.

ఇక్కడందరకీ షరా మామూళ్లే 
  
ఏఎమ్మార్​,ట్రాన్స్​ పోర్టు  అసోసియేషన్​ కాంట్రాక్టర్లు సంయుక్తంగా ఏర్పడి బహిరంగంగా నెలనెలా  మూమూళ్లు సమర్పించుకుంటూ తమ బిజినెస్​ ని కొనసాగిస్తున్నారు. మల్హర్​,కాటారం, భూపాలపల్లి దారి పొడవు మండలాల సంబంధిత అధికారులకు నెలచొప్పునా ముడుపులు చెల్లిస్తూ పోషిస్తున్నట్లు సమాచారం. ఎంతటి నిజాయితీ కల్గిన అధికారైనా సరే వారికి ఓ రేట్​ కడుతూ తమ దారిలోకి తెచ్చకుంటూ దందాను సాగిస్తుండడం విశేషం. అయితే ఇటీవల తాడిచర్ల ఓపెన్​ కాస్ట్​ నుండి ఓవర్​ లోడ్​తో లారీలు వెళుతున్నాయని కలెక్టర్​ రాహుల్​ శర్మ దృష్టికి చేరగా స్పందించిన కలెక్టర్​ లోడింగ్​ పాయింట్​ వద్దకు చేరుకుని ఓవర్​ లోడ్​ ను సహించేది లేదని హెచ్చరికలు జారీ చేశాడు. వారం రోజులపాటు పాసింగ్​ తోనే లారీలు నడుపుతున్నట్లు మాయచేసిన అసోసియేషన్​ కాంట్రాక్టర్లు ఆ తర్వాత రోజునే ఓవర్​ లోడ్​ దందాను తిరిగి పునప్రారంభించడం గమనార్హం.ఇలా కలెక్టర్​ ఆదేశాలను బేఖాతరు చేస్తూ ఆయన కళ్లు గప్పి నిత్యం వందలాది బొగ్గు లారీలను జెన్కో కు తరలిస్తుండగా పట్టించుకునే మిగతా జిల్లా అధికారులు మిన్నకుండిపోతున్న తీరు పై ఇక్కడ అందరికీ షరా మామూళ్లేనంటూ జనాలు చర్చించుకుంటున్నారు.

వామ్మో బొగ్గు లారీలంటూ జనం భయం 
 
తాడిచర్ల, కొయ్యూరు, గంగారం ఎక్స్ రోడ్డు, కాటారం, కొత్తపల్లి, బస్వాపూర్,భూపాలపల్లి గ్రామాల ప్రజలు బొగ్గు లారీలు వాటి నుండి పడే బొగ్గు పెళ్లలు,వచ్చే బొగ్గు డస్ట్​ తో చాలా ఇబ్బంది పడుతున్నారు. ముఖ్యంగా బొగ్గు డస్ట్​ వల్ల పలువురు అనారోగ్యం బారిన పడుతున్న దాఖలాలున్నాయి. అంతేకాకుండా బొగ్గు లారీల వల్ల పలువురి అమాయక ప్రాణాలు గాల్లో కలుస్తుండగా వణ్యప్రాణులు సైతం మరణిస్తున్నాయి.బొగ్గు లారీల డ్రైవర్లు హై స్పీడ్​ తో నడుపుతున్నారని ప్రజలు మండిపడుతున్నారు. రేయిపగలు అనే తేడా లేకుండా విచ్చలవిడిగా డ్రైవింగ్​ చేస్తూ ప్రజల ప్రాణాలతో చెలగాటమాడుతున్నారంటున్నారు. బొగ్గు లారీలు నడిపే డ్రైవర్లకు లైసెన్స్​ లు ఉండట్లేదని లిక్కర్​ మత్తులో తూగుతూ లారీలు నడుపుతూ భయభ్రాంతులకు గురిచేస్తున్నారని ప్రజలు వాపోతున్నారు. వీరి దాష్టీకాని ఎంతో మంది విలువైన ప్రాణా ఓవర్​ లోడ్​ కారణంగా బొగ్గుపై పరదాలు సరిగ్గా కప్పకపోవడంతో లారీల నుండి బొగ్గు పెళ్లు కిందపడుతుండగా వాహనాదారులు, పాదచారులు ప్రమాదాల బారిన పడుతున్నారు. బొగ్గు లారీల నుండి పడే పెళ్లలు, వచ్చే బొగ్గు డస్ట్​ తో చాలా ఇబ్బంది పడుతున్నారు. ముఖ్యంగా బొగ్గు డస్ట్​ వల్ల పలువురు అనారోగ్యం బారిన పడుతున్నారు.