*రాజకీయ కక్షతో అకారణంగా నన్ను తొలగించారు*
*సీనియర్ మేట్ గా కల్పించాలని ఉన్నతాధికారులను వేడుకున్న బాధితుడు*
అక్షర దర్బార్ శాయంపేట :
ఉపాధి హామీ పథకం పనిలో ఎలాంటి తప్పులు చేయకుండా తనను రాజకీయ కక్ష తోనే సీనియర్ మేట్ నుండి తొలగించారని కాట్రపల్లి గ్రామానికి చెందిన బాధితుడు రంజిత్ ఆరోపించాడు.ఈ సందర్భంగా ఏర్పాటుచేసిన విలేకరుల సమావేశంలో రంజిత్ మాట్లాడుతూ గత ఏడు సంవత్సరాల నుండి నాకు ఎలాంటి జీతం లేకున్న గ్రామంలో సీనియర్ మేటుగా చేస్తున్నాను.నేను సీనియర్ మేట్ గా ఉన్న కాలంలో సోషల్ ఆడిట్ జరిగినప్పుడు ఎప్పుడు ఎలాంటి అభ్యంతరాలు నాపై వ్యక్తం కాలేదు.సామాజిక తనిఖీల సమయంలో కూడా తనపై ఇలాంటి తప్పులు నమోదు కాలేదని ఆయన పేర్కొన్నారు.స్థానిక సర్పంచ్ నాపై అసత్య ప్రచారాలు చేస్తున్నాడని తెలిపాడు.రాజకీయ కక్షతో అకారణంగా నన్ను ఓర్వలేకనే తొలగించారని ఆరోపించాడు.నా సీనియర్ మేట్ పనిని నాకు ఇప్పించాలనీ ఈ సందర్భంగా ఉన్నతాధికారులను వేడుకున్నాడు.అనంతరం ఉప సర్పంచ్ బిక్షపతి మాట్లాడుతూ పాలకవర్గానికి తెలియకుండా తన లెటర్ ప్యాడ్ మీద కొత్త మెట్ల పేర్లను అధికారులకు పంపినట్లు తెలిపారు.సర్పంచ్ తనకు ఇష్టం వచ్చినట్లు వ్యవహరించడం సరైనది కాదని అన్నారు.అతను ఏకపక్ష నిర్ణయాలు తీసుకుంటున్నారని తెలిపారు.
