అక్షరదర్బార్, హనుమకొండ: అవినీతి ఆరోపణలపై వరంగల్ పోలీసు కమిషనరేట్ పరిధిలో ఓ పోలీస్ సబ్ ఇన్ స్పెక్టర్ (ఎస్సై)పై వేటు పడింది. హనుమకొండ జిల్లాలోని ఎల్కతుర్తి పోలీస్ స్టేషన్ లో ఎస్సైగా పనిచేస్తున్న రాజ్ కుమార్ ను సస్పెన్షన్ చేస్తూ వరంగల్ పోలీస్ కమిషనర్ అంబర్ కిషోర్ ఝా శుక్రవారం ఉత్తర్వులు విడుదల చేసినట్లు తెలిసింది. ఇటీవలి కాలంగా ఎస్సై రాజ్ కుమార్ పై అవినీతి ఆరోపణలు వచ్చాయి. తనకు అందిన ఫిర్యాదులపై విచారణ జరిపించిన తర్వాత నివేదిక అందగానే సీపీ అంబర్ కిషోర్ ఝా ఎల్కతుర్తి ఎస్సై రాజ్ కుమార్ సస్పెన్షన్ కు నిర్ణయం తీసుకున్నట్లు సమాచారం. ఎస్సై రాజ్ కుమార్ సస్పెన్షన్ వరంగల్ పోలీస్ కమిషనరేట్ పరిధిలో కలకలం సృష్టించింది. అవినీతి ఆరోపణలు ఎదుర్కొంటున్న పోలీస్ అధికారులు, సిబ్బందిపై సీపీ అంబర్ కిషోర్ ఝా శాఖ పరమైన చర్యలు తీసుకుంటున్నారు. ఇందులో భాగంగానే ఎల్కతుర్తి ఎస్సై రాజకుమార్ పై సస్పెన్షన్ వేటు పడినట్లు తెలుస్తుంది.
