లక్ష్మణ్ బాపూజీ పోరాటం స్ఫూర్తిదాయకం
కాంగ్రెస్ మండల అధ్యక్షుడు దూదిపాల బుచ్చిరెడ్డి
అక్షరదర్బార్, శాయంపేట:
తెలంగాణ ప్రజల హక్కులు, ఆత్మగౌరవం కోసం కొండా లక్ష్మణ్ బాపూజీ చేసిన పోరాటం స్ఫూర్తిదాయకమని కాంగ్రెస్ మండల అధ్యక్షుడు దూదిపాల బుచ్చిరెడ్డి అన్నారు. సోమవారం మండల కేంద్రంలోని కాంగ్రెస్ పార్టీ కార్యాలయంలో బాపూజీ వర్ధంతి సందర్భంగా ఆయన చిత్రపటానికి పూలమాల వేసి నివాళులర్పించారు.ఈ సందర్భంగా బుచ్చిరెడ్డి మాట్లాడుతూ.. తెలంగాణ కోసం జీవితాంతం పోరాడిన ఉద్యమ నేత, స్వాతంత్ర్య సమరయోధుడు కొండా లక్ష్మణ్ బాపూజీ అని అన్నారు. ఆయన సేవలు, త్యాగాలు తెలంగాణ చరిత్రలో చిరస్థాయిగా నిలిచిపోతాయని పేర్కొన్నారు. కార్యక్రమంలో కాంగ్రెస్ నాయకులు దుబాసి కృష్ణమూర్తి, బాసాని రవి, మారపల్లి రాజేందర్, వరదరాజు, వడ్డేపల్లి శ్రీనివాస్, వినుకొండ శంకరాచారి, అంకేశ్వరపు కుమారస్వామి తదితరులు పాల్గొన్నారు.
